ဥရောပဘောလုံးပြိုင်ပွဲ ၂ နှစ် ပိတ်ပင်ခံရတဲ့ မန်စီးတီးအသင်းရဲ့ အယူခံကို ဇွန်လ ၈ ကနေ ၁၀ ရက်ကြားကာလအတွင်း အားကစားဆိုင်ရာဖျန်ဖြေရေးတရားရုံးက ကြားနားသွားမှာပါ။ မန်စီးတီးအသင်းက ဘဏ္ဍာရေးသင့်တင့်မျှတမှုစည်းမျဉ်းကို ချိုးဖောက်ခဲ့တဲ့အတွက် ပြီးခဲ့တဲ့ဖေဖော်ဝါရီလမှာ ယူအီးအက်ဖ်အေက မန်စီးတီးအသင်းကို ဥရောပဘောလုံးပြိုင်ပွဲကနေ ၂ နှစ် ပိတ်ပင်ခဲ့ပြီး ဒဏ်ငွေယူရိုသန်း ၃၀ ချမှတ်ခဲ့ပါတယ်။
မန်စီးတီးအသင်းဟာ ၂၀၁၂ ခုနှစ်ကနေ ၂၀၁၆ ခုနှစ်ကြားကာလအတွင်း ချိုးဖောက်မိထားတဲ့ စည်းမျဉ်းတွေနဲ့ ပြန်ကိုက်ညီအောင်လုပ်ဖို့အတွက် သူတို့ရဲ့စပွန်ဆာဝင်ငွေကို အရှိထက်ပိုပြီးဖော်ပြခဲ့တယ်လို့ ယူအီးအက်ဖ်အေရဲ့ ကလပ်အသင်းဘဏ္ဍာရေးထိန်းချုပ်မှုအဖွဲ့က စစ်ဆေးတွေ့ရှိခဲ့တာပါ။ မန်စီးတီးအသင်းကတော့ စွပ်စွဲချက်တွေကို ငြင်းဆန်ခဲ့ပြီး ယူအီးအက်ဖ်အေရဲ့ ဆုံးဖြတ်ချက်ကို အယူခံဝင်ခဲ့တာ ဖြစ်ပါတယ်။
Nz ( ရိုးရာလေး)
