UFC ပြိုင်ပွဲကနေ အနားယူပြီလို့ ကြေညာခဲ့တဲ့ အိုင်ယာလန် သိုင်းပေါင်းစုံ ကစားသမား မက်ဂရီဂေါ်က ဘောက်ဆင်ကြိုးဝိုင်းထဲ ပြန်ဝင်လာဖွယ်ရှိတယ်လို့ အရိပ်အမြွက်ဆိုခဲ့ပါတယ်။ အသက် ၃၁ နှစ်ရှိတဲ့ မက်ဂရီဂေါ်ဟာ အခုလအစောပိုင်းက ကျင်းပခဲ့တဲ့ UFC 250 ပြိုင်ပွဲအပြီး သိုင်းပေါင်းစုံ ကစားသမားဘဝကနေ အနားယူလိုက်ပြီလို့ ကြေညာခဲ့ပါတယ်။ ဒါဟာ ၄ နှစ်တာအတွင်း အနားယူပြီလို့ ၃ ကြိမ်မြောက် ကြေညာမှုဖြစ်ပါတယ်။ ဒါပေမဲ့ မက်ဂရီဂေါ်က လေ့ကျင့်မှုလုပ်နေတဲ့ ဓာတ်ပုံတွေတင်ပြီးတဲ့နောက်မှာ ပရိသတ်တွေက သံဇကာဝိုင်းထဲကို သူ ပြန်လာလိမ့်မယ်လို့ မျှော်လင့်နေကြပါတယ်။
” အဖေအားလုံးအတွက် ပျော်ရွှင်စရာ အဖေများနေ့ဖြစ်ပါစေ။ အထူးသဖြင့် ကျွန်တော့်အဖေနဲ့ ဒီးဒါအတွက်ပေါ့။ ကျွန်တော်ကတော့ ဒီနေ့ကို ကိုယ်ချစ်တဲ့သူတွေနဲ့ ခရမ်လင်းဘောက်ဆင်ကလပ်မှာ ရှိနေပါတယ်။ သာယာတဲ့နေ့လေးတစ်နေ့ပါ”လို့ မက်ဂရီဂေါ်က အင်စတာဂရမ်ပေါ်မှာ ရေးသားခဲ့တာပါ။ မက်ဂရီဂေါ်က အဲဒီလိုရေးသားခဲ့ပြီးနောက်မှာ မေဝယ်သာနဲ့ စိတ်မကျေပွဲ ပြန်ထိုးမှာလားဆိုတဲ့ ကောလာဟလတွေလည်း ထွက်ပေါ်လာခဲ့ပါတယ်။ မက်ဂရီဂေါ်ဟာ ၂၀၁၇ ခုနှစ် သြဂုတ်လက မေဝယ်သာနဲ့ထိုးတဲ့ပွဲစဉ်မှာ ရှုံးနိမ့်ခဲ့ဖူးပါတယ်။
Nz (ရိုးရာလေး)
