ဘောလိဝုဒ်မင်းသား ရန်ဘီယာ ကာပူးရ် (Ranbir Kapoor) ဟာ ကိုရိုနာဗိုင်းရပ်စ်ပိုးကူးစက်ခံနေရတယ်လို့ အိန္ဒိယသတင်းဌာနတွေမှာ မနေ့က ထုတ်ပြန်ခဲ့ပါတယ်။ မင်းသားရဲ့မိခင် သရုပ်ဆောင် နီတူး (Neetu) ကလည်း ရန်ဘီယာ ကိုဗစ်ပိုးကူးစက်ခံနေရတယ်ဆိုတာကို အင်စတာဂရမ်မှာ အတည်ပြုပေးခဲ့ပါတယ်။ “ပရိသတ်တွေ စိုးရိမ်ပြီး ဆုတောင်းပေးကြတဲ့အတွက် ကျေးဇူးတင်ပါတယ်။ ရန်ဘီယာမှာ ကိုဗစ်- ၁၉ ပိုးစစ်ဆေးတွေ့ရှိခဲ့ရပါတယ်။ ဆေးကုသမှုခံယူနေပြီး ပြန်လည်ကောင်းမွန်လာနေပါပြီ။ အိမ်မှာပဲ Quarantine ခံယူနေပြီး လမ်းညွှန်ချက်အားလုံးကို လိုက်နာနေပါတယ်”လို့ အင်စတာဂရမ်မှာ ရေးသားထားပါတယ်။
![](https://yoyarlay.com/wp-content/uploads/2021/03/9-3-2021-yyl-07.jpg)
အစောပိုင်းတုန်းကတော့ ရန်ဘီယာရဲ့ဦးလေးက သူ့ရဲ့တူလေး ဘာဖြစ်နေလဲဆိုတာ သေချာမသိသလို ကိုဗစ်ပိုးကူးစက်ခံနေရလားဆိုတာ မသေချာဘူးလို့လည်း ဆိုပါတယ်။ ဒါပေမဲ့ Bollywood Hungama သတင်းဌာနက ရန်ဘီယာဟာ ကိုဗစ်ကူးစက်ခံနေရပြီး လက်ရှိမှာ Quarantine ခံယူနေတယ်လို့ သတင်းထုတ်ပြန်ခဲ့ပါတယ်။ အဲဒီသတင်းဌာနက အတည်ပြုဖို့အတွက် ရန်ဘီယာကို ဆက်သွယ်ခဲ့ပေမဲ့သူ့ရဲ့ ကျန်းမာရေးအခြေအနေနဲ့ပတ်သက်တဲ့ အကြောင်းအရင်းကိုတော့ ထုတ်ဖော်မပြောနိုင်ခဲ့ပါဘူး။
![](https://yoyarlay.com/wp-content/uploads/2021/03/9-3-2021-yyl-08.jpg)
ရန်ဘီယာရဲ့မိခင် နီတူးကလည်း Jug Jug Jeeyo ဇာတ်ကားရိုက်ကူးရင်းနဲ့ ကိုဗစ်ရောဂါပိုးကူးစက်ခံခဲ့ရဖူးပါတယ်။ သူ့ရဲ့တွဲဖက်သရုပ်ဆောင် ဗာရမ် ဒါဝမ် (Varun Dhawan) ကလည်း ရောဂါကူးစက်ခံခဲ့ရပါတယ်။ ရန်ဘီယာဟာ ဇာတ်ကားတော်တော်များများ ရိုက်ကူးဖို့ရှိနေပါတယ်။ အဲဒီဇာတ်ကားတွေထဲမှာ သူ့ရဲ့ချစ်သူမင်းသမီး အလီယာဘတ် (Alia Bhatt) နဲ့အတူ ရိုက်ကူးမယ့်ဇာတ်ကားလည်းပါဝင်သလို အခြားအနုပညာရှင်တွေနဲ့ သရုပ်ဆောင်မယ့်ဇာတ်ကားတွေလည်း ပါဝင်ပါတယ်။
Ref: Tribune “Ranbir Kapoor tests positive for Covid-19, confirms Neetu”
WL (ရိုးရာလေး)