တောင်ကိုရီးယားနိုင်ငံရဲ့ထိပ်တန်းမင်းသားချော ဆောင်ဂျွန်ကီဟာ သူ့ရဲ့နောက်ဆုံးထွက်ဒရာမာစီးရီး “Reborn Rich” Promotion လုပ်ဖို့အတွက် ဒီဇင်ဘာ ၆ ရက်နေ့ကတည်းက စင်ကာပူမှာ ရောက်ရှိနေခဲ့ပါတယ်။ သူဟာ ဒီဇင်ဘာ ၇ ရက်နေ့က Resorts World Sentosa မှာ ကျင်းပပြုလုပ်တဲ့ သတင်းစာရှင်းလင်းပွဲကို တက်ရောက်ခဲ့ပါတယ်။
![](https://yoyarlay.com/wp-content/uploads/2022/12/8-12-2022-yyl-05.jpg)
ဆောင်ဂျွန်ကီက သတင်းစာရှင်းလင်းပွဲတစ်လျှောက်လုံး မေးသမျှမေးခွန်းတိုင်းကို အင်္ဂလိပ်လိုပဲ ဖြေကြားပေးခဲ့ပါတယ်။ မေးတဲ့မေးခွန်းတွေကို ကောင်းကောင်းနားမလည်တဲ့အခါမှသာ သူ့ရဲ့ဘာသာပြန်ကို အားကိုးခဲ့ရတာရှိပေမဲ့ ပေါ့ပေါ့ပါးပါးလေးပဲ မီဒီယာတွေကို တိုက်ရိုက်ဖြေကြားပေးခဲ့ပါတယ်။
![](https://yoyarlay.com/wp-content/uploads/2022/12/8-12-2022-yyl-06.jpg)
ဆောင်ဂျွန်ကီကို သူ့ဒရမ်မာနဲ့ပတ်သက်ပြီး မေးခွန်းမေးတော့ Reborn Rich ဇာတ်ကားထဲက လူချမ်းသာအဖြစ် ပြန်လည်မွေးဖွားလာခဲ့တဲ့ ဇာတ်ကောင်နဲ့ ထပ်တူကျတဲ့ဘဝမျိုးမှာ နေထိုင်ရတာကို စိတ်မဝင်စားဘူးလို့ သူက ပြောပါတယ်။ ချမ်းသာတဲ့မိသားစုမှာ မွေးဖွားရတာက ကောင်းမွန်တဲ့အရာမဟုတ်တာကို ဒီဇာတ်ကားမှာ ပါဝင်ရင်းနဲ့ သူ နားလည်လိုက်ရတယ်လို့ ထုတ်ပြောခဲ့ပါတယ်။ ရွေးချယ်မှုတစ်ခုရှိခဲ့မယ်ဆိုရင် သူ့ကိုယ်သူအဖြစ်နဲ့ပဲ ပြန်လည်မွေးဖွားဖို့ ရွေးချယ်ဖြစ်လိမ့်မယ်လို့လည်း အဆုံးသတ်ဖြေကြားသွားခဲ့ပါတယ်။
![](https://yoyarlay.com/wp-content/uploads/2022/12/8-12-2022-yyl-07.jpg)
ဆောင်ဂျွန်ကီက သူ့ရဲ့သရုပ်ဆောင်မှုအပေါ် သုံးသပ်ချက်တွေကို ဖတ်ပါတယ်တဲ့။ သူ ဖတ်ခဲ့တဲ့ သုံးသပ်ချက် (၃) ခုကို မေးတဲ့အခါမှာ “ဆောင်ဂျွန်ကီ…မင်းက အရမ်းချောတာပဲ”ဆိုတဲ့ သုံးသပ်ချက်တွေထဲက တစ်ခုကိုပဲ ပြောခဲ့ပါတယ်။
![](https://yoyarlay.com/wp-content/uploads/2022/12/8-12-2022-yyl-08-1024x1024.jpg)
သတင်းစာရှင်းလင်းပွဲပြီးတဲ့နောက်မှာ သူ့ပရိသတ်တွေကို တွေ့ဆုံပေးခဲ့ပါတယ်။ သူ့ပရိသတ်တွေထဲက တချို့ဆိုရင် သူ့ကိုတွေ့ချင်လို့ မနက် ၆ ခွဲကတည်းက စောင့်ဆိုင်းနေခဲ့တာပါ။ သူက ပရိသတ်တွေအတွက် အချိန်ပေးပြီး လက်မှတ်ရေးထိုးပေးခဲ့ကာ လက်ဆွဲနှုတ်ဆက်ပေးခဲ့ပါတယ်။
![](https://yoyarlay.com/wp-content/uploads/2022/12/8-12-2022-yyl-09.jpg)
ဆောင်ဂျွန်ကီက မြန်မာပရိသတ်တွေနှစ်ခြိုက်ခဲ့ကြတဲ့ “Descendants of the Sun”၊ “Vincenzo” အပါအဝင် နာမည်ကြီးဒရာမာတွေနဲ့ လူသိများပါတယ်။ နိုဝင်ဘာ ၂၅ ရက်နေ့ကစပြီး ထုတ်လွှင့်ပြသနေတဲ့ သူ့ရဲ့ဒရာမာအသစ် Reborn Rich ကတော့ အဓိကဇာတ်ကောင်ဖြစ်သူ အသတ်ခံရပြီးနောက် သူ့ဝိဉာဉ်က အင်အားကြီးလုပ်ငန်းစု Soonyang Goup သူဌေးကြီးရဲ့အငယ်ဆုံးမြေးခန္ဓာကိုယ်ထဲဝင်ကာ နောက်တစ်ကြိမ်ပြန်မွေးဖွားလာခဲ့ပြီး သူ့ကို သတ်ခဲ့တဲ့သူတွေကို ကလဲစားပြန်ချေတဲ့ဇာတ်လမ်းမျိုးဖြစ်ပါတယ်။
![](https://yoyarlay.com/wp-content/uploads/2022/12/8-12-2022-yyl-10.jpg)
Ref: Mothership “Song Joong Ki spoke entirely in English during S’pore press conference”
WL(ရိုးရာလေး)