Pee Mak မင်းသမီးအဖြစ် လူသိများပြီး မြန်မာပရိသတ်တွေရဲ့ချစ်ခင်နှစ်သက်မှုကို ရရှိထားတဲ့ နာမည်ကြီးထိုင်းမင်းသမီးချော Mai Davika ဟာ သူ့ချစ်သူကောင်လေး မင်းသား Ter Chantavit နဲ့ စေ့စပ်လိုက်ပါပြီ။ ဇွန်လ ၁၁ ရက်နေ့မှာ စေ့စပ်လိုက်ပြီဆိုတာကို လူမှုကွန်ယက်ကနေတဆင့် ကြေညာခဲ့တာပါ။ ၂၀၁၈ ခုနှစ်မှာ စတွဲခဲ့တဲ့ သူတို့စုံတွဲက ချစ်သူသက်တမ်း ၇ နှစ်အကြာမှာ အခုလိုစေ့စပ်လိုက်တာပါ။ နောက်ဆုံးတော့ သူတို့နှစ်ဦး ရွှေလက်တွဲကြတော့မှာဖြစ်ပါတယ်။
Mai က စိန်ပွင့်အကြီးကြီးနဲ့ ဆွဲဆောင်မှုရှိတဲ့ စေ့စပ်လက်စွပ်ကို လူမှုကွန်ယက်ပေါ်မှာ ထုတ်ပြခဲ့ပါတယ်။ စေ့စပ်လိုက်ပြီဆိုတဲ့ အကြောင်းအရာက လူစိတ်ဝင်စားမှုများသွားခဲ့ပြီး ပရိသတ်တွေကြားပြောစမှတ်ပြုခဲ့ပါတယ်။ သူတို့စုံတွဲကို ဂုဏ်ပြုစကားပြောဆိုကြတဲ့သူတွေများခဲ့ပါတယ်။
Mai တို့တွဲလာခဲ့တဲ့ အချိန်အတွင်းမှာ လက်ထပ်ဖို့ မျှော်လင့်နေတယ်ဆိုတာကို Maiက မကြာခဏထုတ်ပြလေ့ရှိပေမဲ့ Terက ဘယ်တော့ လက်ထပ်ခွင့်တောင်းမယ်ဆိုတာကိုတော့ မသိခဲ့ရပါဘူး။ အခုတော့ Mai ရဲ့မျှော်လင့်ချက်နဲ့ ပရိသတ်တွေရဲ့မျှော်လင့်ချက်တွေ ပြည့်ဝသွားခဲ့ပါပြီ။
Ref: Thai Actress Mai Davika Announces Engagement to Longtime Boyfriend Ter
WL ( ရိုးရာလေး)
