အသက် ၁၆ နှစ်အရွယ် ရုရှားဂိုးသမား ဇာဘိုရော့ဗ်စကီးဟာ လေ့ကျင့်ရေးကွင်းမှာ မိုးကြိုးပစ်ခံခဲ့ရပေမဲ့ အံ့အားသင့်ဖွယ် ပြန်သက်သာလာခဲ့ပြီး ၃ ပတ်မပြည့်ခင်အတွင်း ဘောလုံးပြန်ကစားနိုင်ခဲ့ပါတယ်။ အသင်းဖော်တွေကို ဘောလုံးကွင်းဘေးစည်းမှာ လေ့ကျင့်နေတုန်း ဇာဘိုရော့ဗ်စကီးက ဘောလုံးကို ဂိုးပေါက်ထဲ ကန်သွင်းလိုက်ချိန်မှာ မိုးကြိုးပစ်ခဲ့ရတာပါ။
အဲဒီနောက်မှာ မြေပေါ်လဲကျသွားတဲ့ ဇာဘိုရော့ဗ်စကီးကို ဆေးရုံပို့ခဲ့ကြပါတယ်။ ဇာဘိုရော့ဗ်စကီးကို မေ့ဆေးပေးပြီး သူ့ရဲ့ဒဏ်ရာတွေကို စမ်းသပ်၊ ကုသပေးခဲ့ပါတယ်။ သူဟာ ၃ ပတ်မပြည့်ခင်အချိန်အတွင်းမှာပဲ ရုရှားတတိယတန်းကလပ် ဇာမြာထရူဒါ စီနီယာအသင်းနဲ့အတူ ပြန်ကစားနိုင်ခဲ့ပါတယ်။ သူဟာ မကြာသေးခင်ကမှ ဇာမြာထရူဒါအသင်းနဲ့ စာချုပ်သစ် ချုပ်ဆိုခဲ့သူပါ။
Nz(ရိုးရာလေး)
