ဓာတ်ပုံအလား ထင်မှတ်မှားရတဲ့ ပန်းချီကားတွေကို နိုင်ဂျီးရီးယားအနုပညာရှင် အဲလက်စ်ပီတာအိုင်ဒိုကိုက မီးနဲ့ပုံဖော် ဖန်တီးတာပါ။ မီးနဲ့ပုံဖော်ဖန်တီးတဲ့အတတ်ပညာကို Pyrography လို့ ခေါ်ပါတယ်။ သစ်သားကန်းဗက်စကို မီးနဲ့ရှို့ပြီး ပုံဖော်ဖန်တီးရတာဖြစ်လို့ မီးအချိန်အဆ နည်းနည်းလေးတောင် လွဲလို့ မရပါဘူး။
![](https://yoyarlay.com/wp-content/uploads/2023/02/3.2.2023-image-6.jpg)
အိုင်ဒိုကိုဟာ ငယ်ငယ်ကတည်းက ပုံတူပန်းချီကားတွေ ရေးဆွဲရတာ ဝါသနာထုံသူပါ။ ဓာတ်ပုံအလား ထင်မှတ်မှားရတဲ့ ပန်းချီကားတွေကို သမားရိုးကျနည်းနဲ့ ရေးဆွဲရတာတောင် အနုစိတ်လွန်းလို့ ခက်ခဲပါတယ်။ မီးမှုတ်သေနတ်၊ ကော်ပတ်၊ ဆူးကြိုးတွေနဲ့ ဖန်တီးရတာဆို ပိုလို့တောင် ခက်ခဲပါသေးတယ်။
![](https://yoyarlay.com/wp-content/uploads/2023/02/3.2.2023-image-7.jpg)
ဒါကြောင့် အိုင်ဒိုကိုဟာ Pyrography တစ်ချပ်ကို အနည်းဆုံးတစ်လကြာ အချိန်ယူ ရေးဆွဲလေ့ရှိပြီး လနဲ့ချီ ကြာတာမျိုးလည်း ရှိပါတယ်။ ” ကျွန်တော့်လက်ရာတွေကတော့ အာဖရိကရဲ့ အရှိတရားတွေကိုပဲ ရေးဆွဲတာပါ။ လွတ်လပ်ခွင့်၊ အပြောင်းအလဲလုပ်ဖို့နဲ့ စိန်ခေါ်မှုတွေရဲ့ အဖြေများ အစရှိသဖြင့်ပေါ့။ အနုပညာဆိုတာ လူတွေနားလည်တဲ့ ဘာသာစကားတစ်ခုပါ။ ကိုယ့်နှလုံးသားကနေ ဆက်သွယ်၊ ထင်ဟပ်ပြနေသရွှေ့ အဲဒီဘာသာစကားကို လူတွေ နားလည်ကြမှာပါ” လို့ အိုင်ဒိုကိုက ဆိုပါတယ်။
![](https://yoyarlay.com/wp-content/uploads/2023/02/3.2.2023-image-8.jpg)
![](https://yoyarlay.com/wp-content/uploads/2023/02/3.2.2023-image-9.jpg)
Ref: The Photo-Like Fire-Painted Portraits of Alex Peter Idoko
NZ ( ရိုးရာလေး)