ချန်ပီယံလိဂ်ကွာတားဖိုင်နယ်မှာ ပီအက်စ်ဂျီနဲ့ ရင်ဆိုင်ကစားရမယ့် စီးရီးအေကလပ် အတ္တလန္တာအသင်း ကစားသမားအားလုံးရဲ့ တစ်နှစ်လုပ်ခလစာက ပေါင်သန်း ၃၀ ဝန်းကျင်ပဲရှိပြီး ပီအက်စ်ဂျီတိုက်စစ်မှူး နေမာရဲ့ တစ်နှစ်လုပ်ခလစာထက် ပိုနည်းနေပါတယ်။ အတ္တလန္တာဟာ ပြီးခဲ့တဲ့နှစ်ပိုင်းအတွင်း နည်းပြ ဂက်စ်ပါရီနီရဲ့ ဦးဆောင်မှုအောက်မှာ အသင်းလိုက် စုစည်းမှုအားကောင်းကောင်းနဲ့ စီးရီးအေထိပ်တန်းအသင်းတစ်သင်းဖြစ်လာခဲ့တာပါ။
၁၆ သင်းအဆင့်မှာ လာလီဂါကလပ် ဗလင်စီယာကို နှစ်ကျော့ပေါင်းရလဒ် ၈-၄ ဂိုးနဲ့ အနိုင်ယူကျော်ဖြတ်ခဲ့တဲ့ အတ္တလန္တာအသင်းဟာ (၁၉၉၉-၂၀၀၀ ရာသီက လာဇီယိုအသင်းနောက်ပိုင်း) ချန်ပီယံလိဂ်ပြိုင်ပွဲ စတင်ကစားခွင့်ရတဲ့ရာသီမှာ ကွာတားဖိုင်နယ်အဆင့်အထိ တက်လှမ်းနိုင်တဲ့ ပထမဆုံး စီးရီးအေကလပ်လည်း ဖြစ်ပါတယ်။
Nz ( ရိုးရာလေး )
