ရောမမြို့ရဲ့ အထင်ကရနေရာတစ်ခုဖြစ်တဲ့ ထရီဗီရေပန်းကို လာရောက်လည်ပတ်သူတွေက တစ်နေ့ပျမ်းမျှ ယူရို ၃၀၀၀ ဖိုး၊ တစ်နှစ်ကို ယူရို ၁ သန်းဖိုးလောက် ဒင်္ဂါးပြားတွေ ပစ်ချလေ့ရှိတယ်။
အဲဒီလို ဒင်္ဂါးပြားတွေပစ်ချတာ Three Coins in the Fountain ဆိုတဲ့ ဇာတ်ကားကနေ အစပြုတယ်လို့ ဆိုကြတယ်။ ဒင်္ဂါးပြားတစ်ပြားပစ်ရင် ရောမမြို့ကို နောက်တစ်ခါ ပြန်လာရမယ်၊ ဒင်္ဂါးပြား နှစ်ပြားပစ်ရင် အီတလီသူ/သား ချောချောလှလှလေးနဲ့ ချစ်သူဖြစ်မယ်။ ဒင်္ဂါးပြား သုံးပြားပစ်ရင်တော့ သူနဲ့ အိမ်ထောင်ပြုရမယ်ဆိုတဲ့ အယူအဆပါပဲ။
ရောမမြို့ အာဏာပိုင်တွေက ရေပန်းထဲက ဒင်္ဂါးပြားတွေကို ပြန်ဆယ်ပြီး ချို့တဲ့နွမ်းပါးသူတွေကို ထောက်ပံ့ကူညီပေးနေတဲ့ ပရဟိတအဖွဲ့ထံ လှူဒါန်းပေးတာပါ။ အဲဒီအဖွဲ့က အိမ်ရာမဲ့တွေအတွက် ခိုလှုံစရာနေရာပေးတာ၊ မီးဖိုချောင်းသုံးပစ္စည်းတွေ၊ စားသောက်ဖွယ်ရာတွေ ပေးအပ်တာမျိုး လုပ်ပေးလေ့ရှိပါတယ်။
Ref: Tourists throw over €1 million into Italy’s Trevi Fountain each year. Here’s what happens to it
NZ (ရိုးရာလေး)
