လက်ရှိမှာ ကမ္ဘာ့နေရာအတော်များများက ဖေ့စ်ဘွတ်ခ်၊ အင်စတာဂရမ်နဲ့ WhatsApp အကောင့်သုံးစွဲသူတွေအနေနဲ့ အကောင့်ထဲဝင်ရောက်တာ၊ ပို့စ်တင်တာတွေအတွက် ပြဿနာအနည်းငယ်ကြုံနေကြရတယ်လို့ သိရပါတယ်။
ဖေ့စ်ဘွတ်ခ်အသုံးပြုသူတွေက ရှစ်နာရီကျော်ကြာ အကောင့်ထဲဝင်လို့မရဖြစ်နေပြီးတဲ့နောက် ပြန်ဝင်ရောက်လို့ရခဲ့ပေမဲ့ အင်စတာဂရမ်နဲ့ Whatsapp အကောင့်တွေမှာကတော့ ပြဿနာတွေ ရှိနေဆဲပါ။
ဖေ့စ်ဘွတ်ခ်အသုံးပြုထောင်ပေါင်းများစွာက ညနေ့ခင်းပိုင်းနဲ့ ည (၈) နာရီအတောအတွင်းမှာ လူမှုကွန်ယက်အကောင့်ကို ဝင်ရောက်လို့မရဖြစ်ခဲ့တာဖြစ်ပါတယ်။ အမေရိကန်၊ ဥရောပတဝိုက်က မြို့တွေနဲ့ တောင်အမေရိကဘက်ခြမ်းတွေမှာ ဖေ့စ်ဘွတ်ခ်၊ အင်စတာဂရမ်၊ မက်ဆေ့ဂျာအေားလုံး ပြဿနာအနည်းငယ်ရှိခဲ့တာဖြစ်ပြီး မြန်မာနိုင်ငံကအသုံးပြုသူတွေဟာလည်း မနေ့ညကစပြီး ဒီကနေ့မနက်ခင်းပိုင်းအထိကို ဖေ့စ်ဘွတ်အကောင့်ထဲ ဝင်မရတာတွေဖြစ်နေတယ်လို့ သိရပါတယ်။
အခုလို ဖေ့စ်ဘွတ်ခ်ဆာဗာတွေ ယာယီချွတ်ယွင်းရတဲ့အကြောင်းရင်းကို ဖေ့စ်ဘွတ်ခ်က မပြောခဲ့ဘဲ တတ်နိုင်သမျှ ပြဿနာကို အမြန်ဆုံးဖြေရှင်းဖို့လုပ်ဆောင်နေကြောင်း၊ ဒီပြဿနာက ဆာဗာတိုက်ခိုက်ခံရတာမျိုးနဲ့ ဆက်စပ်မှုမရှိကြောင်းပြောကြားခဲ့ပါတယ်။
Ref: Dailymail “Facebook is back up and running after an EIGHT HOUR global outage, but users are still reporting problems with Instagram and Whatsapp”
WL (ရိုးရာလေး)
