ကမ္ဘာ့ဝယ်လိုအား အမြင့်ဆုံး ဝီစကီတစ်ပုလင်းဟာ လေလံပြပွဲမှာ ပေါင် ၂.၁ သန်း ( မြန်ာမငွေ သန်း ၉၀၀၀ နီးပါး) နဲ့ လေလံအောင်ခဲ့ပါတယ်။ အခုလေလံအောင်ခဲ့တဲ့ The Macallan 1926 ဝီစကီဟာ ဝက်သစ်ချစည်ထဲမှာ နှစ် ၆၀ ကြာ စိမ်ပြီး ၁၉၈၆ ခုနှစ်မှာ ထုတ်လုပ်ခဲ့တဲ့ ဝီစကီပုလင်း ၄၀ အနက် တစ်ပုလင်းဖြစ်ပြီး Macallan ရဲ့ သက်တမ်းအရင့်ဆုံးဝီစကီ ဖြစ်ပါတယ်။
အဲဒီဝီစကီပုလင်း ၄၀ ကို ဈေးကွက်တင် ရောင်းချခဲ့ခြင်းမရှိဘဲ Macallan ရဲ့ ထိပ်တန်းဖောက်သည်တွေကိုပဲ ဝယ်ယူခွင့်ပေးခဲ့တာပါ။ ပြီးခဲ့တဲ့ အောက်တိုဘာလ ၂၃ ရက်က လန်ဒန်မြို့မှာ ကျင်းပခဲ့တဲ့ Sotheby လေလံပွဲမှာ ပေါင် ၂.၁ သန်းနဲ့ လေလံအောင်ခဲ့တာဖြစ်ပြီး ကမ္ဘာ့တန်ဖိုးအကြီးဆုံး ဝီစကီအဖြစ် စံချိန်တင်နိုင်ခဲ့တာပါ။
ဝီစကီပုလင်းရဲ့ စက္ကူပတ်ဒီဇိုင်းကိုတော့ အီတလီပန်းချီဆရာ ဗယ်လာရီယိုအဒါမီက ရေးဆွဲပေးခဲ့တာဖြစ်ပါတယ်။
Ref: World’s ‘most sought-after’ whisky sells for $2.7 million
NZ ( ရိုးရာလေး)
