ပင်ဖျက်ပိုး တိုက်ဖျက်ရေးလှုပ်ရှားမှုမှာ စွမ်းစွမ်းတမံပါဝင်ခဲ့ပြီး ပင်ဖျက်ပိုး (lanternflies) ၂၇ ကောင် ဖမ်းဆီးပေးနိုင်ခဲ့တဲ့ ၉ နှစ်အရွယ် ကျောင်းသူလေးကို ယေးလ်တက္ကသိုလ် ပြည်သူ့ကျန်းမာရေးကျောင်းက ဂုဏ်ပြုဆု ချီးမြှင့်ခဲ့ပါတယ်။နယူးဂျာစီပြည်နယ်မှာ နေထိုင်တဲ့ ၄ တန်းကျောင်းသူ ဘော်ဘီဝီလ်ဆင်ဟာ ပြီးခဲ့တဲ့နှစ် အောက်တိုဘာလက အဆိပ်ရှိတဲ့ ပင်ဖျက်ပိုးတွေကို လိုက်လံဖမ်းဆီးခဲ့ပြီး ဒီဖြစ်ရပ်ကို အံ့အားသင့်သွားတဲ့ အိမ်နီးနားချင်း လူဖြူအမျိုးသား လောရှီက ရဲကို ဖုန်းဆက်အကြောင်းကြားခဲ့ပါတယ်။
ဘော်ဘီဝီလ်ဆင်ဟာ TikTok ပေါ်မှာ တွေ့ရတဲ့အတိုင်း ရှာလကာရည်နဲ့ ပိုးသတ်ဆေးလုပ်ပြီး ပင်ဖျက်ပိုးတွေကို ဖျန်းကာ လိုက်လံဖမ်းဆီးခဲ့တာပါ။ နယူးဂျာစီပြည်နယ်ရဲ့ ပင်ဖျက်ပိုးတိုက်ဖျက်ရေးလှုပ်ရှားမှုမှာ ၉ နှစ်သမီးလေးတစ်ယောက် အားတက်သရော ပါဝင်နေတဲ့သတင်းက သတင်းစာတွေရဲ့ ခေါင်းကြီးသတင်း ဖြစ်သွားခဲ့ပါတယ်။
ဇန်နဝါရီလ ၂၀ ရက်နေ့ အခမ်းအနားမှာတော့ ယေးလ်တက္ကသိုလ် ပြည်သူ့ကျန်းမာရေးကျောင်းက ဘော်ဘီဝီလ်ဆင်ကို သိပ္ပံပညာရှင်တစ်ဦးအဖြစ် အသိအမှတ်ပြုပြီး သူ ဖမ်းဆီးထားတဲ့ ပင်ဖျက်ပိုးကောင် ၂၇ ကောင်ကိုလည်း ပီယာဘိုဒီသဘာဝသမိုင်းပြတိုက်ရဲ့ မှတ်တမ်းထဲ ထည့်သွင်းခဲ့တာပါ။
Ref: Yale Honors Work of 9-Year-Old Girl Who is Stomping Out Extremely Invasive Bugs in New Jersey
NZ (ရိုးရာလေး)
