ဒူဘိုင်းမြို့မှာ တည်ဆောက်ဆဲဖြစ်တဲ့ တာဝါတစ်လုံးရဲ့ အပေါ်ဆုံးထပ် ဇိမ်ခံအလွှာကို ကမ္ဘာ့စံချိန်တင်ဈေးနှုန်း ဒေါ်လာ ၁၃၆ သန်းကျော် ( မြန်မာကျပ်ငွေ ၅၀၀ ဘီလျံနီးပါး)နဲ့ လေလံတင် ရောင်းချနိုင်ခဲ့ပါတယ်။ အဲဒီဇိမ်ခံအလွှာဟာ အုန်းလက်ပုံ ကျွန်းတု (Palm Jumeirah)ပေါ်မှာ တည်ဆောက်ဆဲဖြစ်တဲ့ ၇၁ ထပ်ကွန်ဒို Como Residences ရဲ့ အပေါ်ဆုံးအလွှာ ဖြစ်ပါတယ်။
![](https://yoyarlay.com/wp-content/uploads/2023/12/6.12.23-yyl-7.jpg)
Como Residences ကွန်ဒိုကို ၂၀၂၇ ခုနှစ်နှောင်းပိုင်းမှာ အပြီးသတ်အပ်နှံနိုင်မယ်လို့ ခန့်မှန်းထားပြီး ကမ္ဘာ့ဈေးအကြီးဆုံး ဇိမ်ခံအလွှာကို ဝယ်ယူသူကတော့ အဲဒီမှာ နေထိုင်ခွင့်ရဖို့ နောက်ထပ် ၃ နှစ် စောင့်ရဦးမှာပါ။ အဲဒီအလွှာဟာ စတုရန်းပေ ၂၂၀၀၀ နီးပါး ကျယ်ဝန်းပြီး အိပ်ခန်း ၅ ခန်းပါဝင်ပါတယ်။
![](https://yoyarlay.com/wp-content/uploads/2023/12/6.12.23-yyl-8.jpg)
ဒူဘိုင်းမြို့ရဲ့ အချက်အချာကျရာ နေရာမှာ တည်ရှိပြီး ကမ္ဘာ့အမြင့်ဆုံး အဆောက်အအုံဖြစ်တဲ့ Burj Khalifa တာဝါကိုလည်း လှမ်းမြင်နေရမှာပါ။ ဘေးဘီဝဲယာ ပတ်ပတ်လည် မြင်နိုင်မယ့် ရေကူးကန်လည်း ပါဝင်ပါတယ်။ ဇိမ်ခံအလွှာ ဝယ်ယူခဲ့သူကို ထုတ်ဖော်ပြောဆိုမှာ မဟုတ်ပေမဲ့ ဥရောပအရှေ့ပိုင်းနိုင်ငံတစ်နိုင်ငံရဲ့ သန်းကြွယ်သူဌေးတစ်ဦး ဖြစ်တယ်လို့ Como Residences တာဝါရဲ့ အခန်းတွေကို တာဝန်ယူရောင်းချပေးနေတဲ့ Provident Estate က ဆိုပါတယ်။
Ref:Yet-to-be-built Dubai penthouse sells for record $136 million
NZ ( ရိုးရာလေး)