Apple ကို တရုတ်အစိုးရက တားမြစ်ပိတ်ပင်တော့မလား

ဒီအတိုင်းသာဖြစ်လာရင် ကမ္ဘာ့ဒုတိယအကြီးဆုံးစမတ်ဖုန်းထုတ်လုပ်သူကို သူ့ရဲ့ ကြီးမားတဲ့ဈေးကွက်ကနေ ထွက်ခွာသွားရစေတဲ့အမေရိကန်အတွက် အထိနာစေမယ့်တန်ပြန်ထိုးနှက်ချက်တစ်ခုလို့ ဆိုရမှာပါပဲ။

Apple ဟာ တရုတ်အစိုးရရဲ့ တားမြစ်ပိတ်ပင်မှုကြောင့် အကျိုးအမြတ် (၂၉%) ကိုဆုံးရှုံးရမှုနဲ့အတူ တရုတ်ဈေးကွက်ကနေ ထွက်ခွာသွားရဖို့ရှိနေ

ကမ္ဘာ့တတိယအကြီးဆုံးစမတ်ဖုန်းထုတ်လုပ်သူဖြစ်တဲ့ အမေရိကန်ကုမ္ပဏီ Apple ဟာ တရုတ်အစိုးရရဲ့ တားမြစ်ပိတ်ပင်မှုကြောင့် အကျိုးအမြတ် (၂၉%) ကိုဆုံးရှုံးရမှုနဲ့အတူ တရုတ်ဈေးကွက်ကနေ ထွက်ခွာသွားရဖို့ရှိနေပါပြီ။ ပစ္စည်းထုတ်လုပ်တဲ့စက်ရုံတွေကို တရုတ်မှာအဓိကအခြေစိုက်ထားပြီး တရုတ်ဈေးကွက်ကနေ ထုတ်ကုန်ရောင်းချမှုပမာဏစုစုပေါင်းရဲ့ (၁၇%) လောက်ရနေတဲ့ Apple အတွက်တော့ ဒါက သတင်းဆိုးပါပဲ။

တရုတ်အတွက်ကတော့ Apple ထွက်ခွာသွားခဲ့ရင် ပြည်တွင်းနည်းပညာအသိုင်းအဝိုင်းရဲ့ဖန်တီးနိုင်စွမ်းနဲ့ လုပ်သားတွေရဲ့ထုတ်လုပ်နိုင်စွမ်းတွေမှာ ကြီးမားတဲ့တိုးတက်မှုကို ရသွားနိုင်

ထုတ်လုပ်ရေးနဲ့ ဈေးကွက်အသစ်အတွက် အိန္ဒိယကို ပြောင်းလဲရွေးချယ်နိုင်ပေမဲ့လည်း ဒီအပြောင်းအလဲကြောင့် Apple အနေနဲ့ လတ်တလောအခက်အခဲတွေများစွာနဲ့ ရင်ဆိုင်လာရမှာပါ။ တရုတ်အတွက်ကတော့ Apple ထွက်ခွာသွားခဲ့ရင် ပြည်တွင်းနည်းပညာအသိုင်းအဝိုင်းရဲ့ဖန်တီးနိုင်စွမ်းနဲ့ လုပ်သားတွေရဲ့ထုတ်လုပ်နိုင်စွမ်းတွေမှာ ကြီးမားတဲ့တိုးတက်မှုကို ရသွားနိုင်ပါတယ်။

နောက်ဆုံးမှာ စားသုံးသူတွေသာ တရုတ်နဲ့အမေရိကန်ဆိုတဲ့ ကျွဲနှစ်ကောင်ကြားက မြေစာပင်တွေ ဖြစ်ရဖို့ရှိနေ

Apple အပြင် တရုတ်မှာအခြေစိုက်တဲ့ တခြားအမေရိကန်ကုမ္ပဏီတွေကလည်းများစွာရှိနေသေးတာမို့ Apple ကိုပိတ်ပင်လိုက်တာနဲ့ သူတို့လည်း တရုတ်ကနေစွန့်ခွာသွားကြမလားဆိုတာက စိတ်ဝင်စားစရာပါ။ ဘယ်လိုပဲဖြစ်ဖြစ် နောက်ဆုံးမှာ စားသုံးသူတွေသာ တရုတ်နဲ့အမေရိကန်ဆိုတဲ့ ကျွဲနှစ်ကောင်ကြားက မြေစာပင်တွေ ဖြစ်ရဖို့ရှိနေပါတယ်။

Ref: TechDator “In a War of Huawei, Chinese Govt is Now Banning Apple Products in China”
TH (ရိုးရာလေး)