မြန်မာ့ဂုဏ်ဆောင် ကြက်တောင်အားကစားမယ် သက်ထားသူဇာဟာ ၂၀၁၉ ခုနှစ် အိုင်ဗရီကို့စ်နိုင်ငံတကာကြက်တောင်ပြိုင်ပွဲရဲ့ ဗိုလ်လုပွဲစဉ်မှာ နိုင်ခြေအဆင့် (၁) ရှိသူ ကမ္ဘာ့အဆင့် (၈၂) အိန္ဒိယကြက်တောင်မယ် ကုဒရာဝါလီကို (၂၁-၁၈/ ၂၁-၁၃ ) နဲ့ နှစ်ပွဲပြတ်အနိုင်ရပြီး ချန်ပီယံဆုကို ဆွတ်ခူးသွားခဲ့ပါပြီ။
သက်ထားသူဇာက ပြိုင်ပွဲဒုတိယအဆင့်မှာ နိုင်ခြေအဆင့် (၂) သတ်မှတ်ခံထားရတဲ့ မော်ရစ်သျှကြက်တောင်မယ် ကိတ်ဖူးကူနီ၊ ကွာတားဖိုင်နယ်မှာ ပါကစ္စတန်ကြက်တောင်မယ် ရှာဇတ်တို့ကို ဖြုတ်ချနိုင်ခဲ့ပြီး ဆီမီးဖိုင်နယ်မှာလည်း အီရန်ကြက်တောင်မယ် ဆိုရာယာကို (၂၁-၁၉)၊ (၂၁-၁၉)နဲ့ (၂) ပွဲပြတ်အနိုင်ယူကာ ဗိုလ်လုပွဲဆီတက်လှမ်းလာခဲ့တာပါ။
ဒီပြိုင်ပွဲမှာ ဗိုလ်မစွဲသေးခင်အချိန်ထိ ကမ္ဘာ့အဆင့် (၁၀၁) မှာရှိခဲ့တဲ့ သက်ထားသူဇာဟာ ဒုတိယနေရာပဲရခဲ့ရင်လည်း ကမ္ဘာ့အဆင့် (၉၇) ကိုတက်သွားဖို့ရှိပေမဲ့ အခုလိုဗိုလ်စွဲခဲ့တာကြောင့် ကမ္ဘာ့အဆင့် (၈၅) အထိ အဆင့်တက်သွားခဲ့ပါတယ်။
Team (ရိုးရာလေး)
