ပရီးမီးယားလိဂ် ကလပ်တွေထဲမှာ ဝင်ငွေအများဆုံးအသင်းအဖြစ် မန်ယူ ရပ်တည်နေဆဲ

မန်ယူအသင်းဟာ ကွင်းတွင်းအောင်မြင်မှုတွေ ဝေးကွာနေပေမဲ့ ပရီးမီးယားလိဂ် ကလပ်တွေထဲမှာ ဝင်ငွေအများဆုံးရရှိတဲ့အသင်းအဖြစ် ရပ်တည်ခဲ့ပါတယ် မန်ယူအသင်းဟာ ၂၀၁၈-၂၀၁၉ ရာသီမှာ ဝင်ငွေ ပေါင် ၆၂၇.၁ သန်းရရှိခဲ့ပြီး ကမ္ဘာ့ဘောလုံးကလပ်တွေထဲမှာ တတိယမြောက် ဝင်ငွေအများဆုံး အသင်းအဖြစ် ရပ်တည်နေပါတယ်။ ပြီးခဲ့တဲ့ရာသီမှာ ဘာစီလိုနာအသင်းက ဝင်ငွေပေါင် ၇၄၁.၁ သန်း ရရှိခဲ့ပြီး ရီးရဲလ်အသင်းက ပေါင် ၆၆၇.၅ သန်းရရှိခဲ့ပါတယ်။

၁၉၉၆-၁၉၉၇ ရာသီမှာ Deloitte ဘဏ္ဍာရေး စာရင်းအင်းကုမ္ပဏီက ဘောလုံးကလပ်တွေရဲ့ ဝင်ငွေကို စစ်တမ်းကောက်ယူခဲ့ပြီးနောက်ပိုင်း ပရီးမီးယားလိဂ်ကလပ်တွေထဲမှာ မန်ယူအသင်းက ထိပ်ဆုံးနေရာ ရပ်တည်ခဲ့တာဖြစ်ပါတယ်။ မန်ယူအသင်းရဲ့ အနီးကပ်ဆုံးပြိုင်ဘက်တွေဖြစ်တဲ့ မန်စီးတီးနဲ့ လီဗာပူး အသင်းတွေကတော့ ပြီးခဲ့တဲ့ရာသီက ဝင်ငွေအများဆုံး အသင်းစာရင်းမှာ အဆင့်(၆)၊ အဆင့်(၇)နေရာတွေ ရပ်တည်ခဲ့ပါတယ်။ မန်ယူဟာ ၂၀၁၉-၂၀၂၀ ရာသီမှာတော့ ဝင်ငွေ ပေါင်သန်း ၅၆၀ ကနေ ၅၈၀ ကြားသာ ရဖွယ်ရှိနေလို့ မန်စီးတီး၊ လီဗာပူးအသင်းတွေက သူတို့ကို ကျော်ဖြတ်သွားနိုင်ဖို့ ရှိနေပါတယ်။

Nz (ရိုးရာလေး)