အီဂျစ်နိုင်ငံမှာ ခရစ်ယာန်ဘုရားကျောင်း မီးလောင်ခဲ့လို့ ကလေးငယ်တွေအပါအဝင် အနည်းဆုံး လူ ၄၁ ဦး သေဆုံးခဲ့ပါတယ်။ သေဆုံးသူတော်တော်များများဟာ အလုအယက်တိုးဝှေ့ရင်း လူအုပ်ပိလို့ သေဆုံးခဲ့ကြတာပါ။
ဂီဇာမြို့က ကော့တစ်အဘူဆိုင်ဖင်ဘုရားကျောင်းမှာ ဝတ်ပြုဆုတောင်းပွဲအတွက် လူ ၅၀၀၀ ယောက် စုဝေးနေချိန်မှာ ဝါယာရှော့ဖြစ်ပြီး မီးလောင်ခဲ့တာပါ။ မီးလောင်လို့ ဝင်ပေါက်ပိတ်သွားချိန်မှာ အလုအယက်တိုးဝှေ့ရင်း လူအုပ်ပြိုခဲ့တာလို့ လုံခြုံရေးရင်းမြစ်တွေက ဆိုပါတယ်။
ဆေးရုံမှတ်တမ်းတွေအရ အသက် ၃ နှစ်ကနေ ၁၆ နှစ်ကြားအရွယ်ရှိတဲ့ ကလေး ၁၈ ယောက် သေဆုံးခဲ့တယ်လို့ CNN သတင်းဌာနက ဖော်ပြပါတယ်။ အီဂျစ်သမ္မတ ဖာတာအယ်လ်ဆီဆီက ကျန်ရစ်သူမိသားစုတွေထံ ဝမ်းနည်းကြောင်းသဝဏ္ဍ်လွှာ ပေးပို့ခဲ့ပြီး ဘုရားကျောင်းကို ပြန်လည်တည်ဆောက်ပေးဖို့ စစ်တပ်ကို ညွှန်ကြားထားပါတယ်။
Ref: Egypt fire: Dozens dead in Giza Coptic church
Team (ရိုးရာလေး)
