နှစ်တော်တော်ကြာ ဘော့စတွန်မာရသွန်ပြိုင်ပွဲမှာ အပြေးသမားတွေကို အားပေးနှစ်သိမ့်ပေးခဲ့တဲ့ ကုထုံးခွေးလေး စပန်ဆာဟာ ဒုတိယအကြိမ်မြောက် ကင်ဆာရောဂါဖြစ်ပြီးတဲ့နောက် ဖေဖော်ဝါရီ ၁၇ ရက်နေ့က သေဆုံးသွားခဲ့တယ်လို့ သူ့ရဲ့သခင်ဖြစ်သူ ရစ်ချက် ပါဝါစ်က အတည်ပြုပြောကြားခဲ့ပါတယ်။
![](https://yoyarlay.com/wp-content/uploads/2023/02/23.2.2023-image-7.jpg)
အသက် ၁၃ နှစ်အရွယ် ဂိုးလ်ဒင်း ရီထရီဗာခွေးအမျိုးအစား စပန်ဆာလေးက Pets and People Foundation ကနေ လေ့ကျင့်သင်ကြားပေးထားတဲ့ ကုထုံးခွေးလေးဖြစ်ပြီး ၂၀၁၅ ခုနှစ်ကတည်းက အပြေးပြိုင်ပွဲစတင်တဲ့နေရာအနီးအနားမှာ အပြာရောင် ‘Boston Strong” အလံကို ပါးစပ်နဲ့ ကိုက်ပြီး အပြေးသမားတွေကို အားပေးခဲ့တာကြောင့် အပြေးသမားတွေနဲ့ အွန်လိုင်းပရိသတ်တွေရဲ့နှလုံးသားကို သိမ်းပိုက်ထားနိုင်ခဲ့တာပါ။
![](https://yoyarlay.com/wp-content/uploads/2023/02/23.2.2023-image-8.jpg)
အပြေးသမားတွေက အလံသယ်ထားတဲ့ စပန်ဆာကို မြင်ရတာသဘောကျကြပါတယ်။ စပန်ဆာက နေပူပူ၊ မိုးရွာရွာ မာရသွန်အပြေးပြိုင်ပွဲမှာ ရှိနေတတ်ပါတယ်။ ပြီးခဲ့တဲ့နှစ်က စပန်ဆာဟာ ၁၂၆ ကြိမ်မြောက် ဘော့စတွန်မာရသွန်ပြိုင်ပွဲရဲ့ တရားဝင်ခွေးလေးအဖြစ် အမည်ပေးခံခဲ့ရပါတယ်။ ကပ်ရောဂါအတွင်းမှာ စပန်ဆာက ပထမဆုံးအကြိမ်အဖြစ် ကင်ဆာရောဂါဖြစ်နေတယ်ဆိုတာ သိခဲ့ရပါတယ်။ ၂၀၂၀ ခုနှစ်မှာ ၃ ပေါင်ခွဲလောက်ရှိတဲ့ ကင်ဆာအကျိတ်ကို ထုတ်ပစ်ခဲ့ပြီး အသက်အန္တရာယ်ကလွတ်မြောက်ခဲ့ပါတယ်။ ၂၀၂၁ ခုနှစ်မှာ စပန်ဆာက မာရသွန်ပြိုင်ပွဲကို ပြန်လာခဲ့ပါတယ်။
![](https://yoyarlay.com/wp-content/uploads/2023/02/23.2.2023-image-9.jpg)
ကပ်ရောဂါကာလအတွင်းမှာ စပန်ဆာဟာ အခြားခွေးလေးပန်နီနဲ့အတူ သူ့သခင်ရဲ့ “pupdate” ပြက္ခဒိန်ရဲ့ကြယ်ပွင့်ဖြစ်လာခဲ့တယ်။ ပြက္ခဒိန်ရောင်းချလို့ရတဲ့ အမြတ်ငွေတချို့နဲ့ အွန်လိုင်းရန်ပုံငွေတွေကို ခွေးကင်ဆာသုတေသနအတွက် ရည်ရွယ်ထားပါတယ်။ စပန်ဆာက နောက်ထပ် ကင်ဆာအကျိတ်တွေ့ရှိခဲ့ရတာပါ။ နောက်ထပ်ကင်ဆာရောဂါဖြစ်တာကစပြီး သူ့ရဲ့နောက်ဆုံးအချိန်အထိ ရစ်ချက် ပါဝါစ်တို့မိသားစုက သူနဲ့အတူရှိပေးခဲ့တာပါ။ စပန်ဆာက သူတို့မိသားစုအတွက် အရာအားလုံးပါပဲ။
![](https://yoyarlay.com/wp-content/uploads/2023/02/23.2.2023-image-10.jpg)
စပန်ဆာကို မျှော်လင့်ချက်သင်္ကေတအဖြစ်နဲ့ရော ဆေးရုံတွေ၊ ကျောင်းတွေ၊ ကောလိပ်တွေ၊ လူနေမှုအဆောက်အအုံတွေဆီ သွားရောက်နှစ်သိမ့်တဲ့ ကုထုံးခွေးလေးအဖြစ်နဲ့ပါ အမှတ်ရစေချင်တယ်လို့ ရစ်ချက်က ဆိုပါတယ်။
Ref: Beloved therapy dog who cheered Boston Marathon runners dies of cancer
WL (ရိုးရာလေး)