သြစတြေးလျအိုးပင်း ပထမအဆင့်မှာ နိုင်ခြေအဆင့်(၁၉)သတ်မှတ်ခံရတဲ့ ခရိုအေးရှား တင်းနစ်မယ် ဒွန်နာဗီကစ်ကို ရှုံးနိမ့်ခဲ့တဲ့ ရုရှားတင်းနစ်မယ် ရှာရာပိုဗာက လာမယ့်နှစ်တွေမှာ သြစတြေးလျအိုးပင်းပြိုင်ပွဲ ဆင်နွှဲဖို့ မသေချာဘူးလို့ ဆိုပါတယ်။ ရှာရာပိုဗာဟာ ပခုံးဒဏ်ရာကြောင့် ပြီးခဲ့တဲ့နှစ်က ပြိုင်ပွဲနည်းနည်းပဲ ကစားနိုင်ခဲ့ပြီး ကမ္ဘာ့အဆင့်(၃၆၆)အထိ ကျဆင်းသွားခဲ့ပါတယ်။
၂၀၀၈ ခုနှစ် သြစတြေးလျအိုးပင်းပြိုင်ပွဲ ဗိုလ်စွဲခဲ့ဖူးတဲ့ ရှာရာပိုဗာဟာ ဒွန်နာဗီကစ်နဲ့ပွဲမှာ (၆-၃)၊ (၆-၄)နဲ့ (၂)ပွဲပြတ် ရှုံးနိမ့်ခဲ့ပါတယ်။ အဲဒီပွဲအပြီး သတင်းထောက်တစ်ယောက်က လာမယ့်နှစ် သြစတြေးလျအိုးပင်းပြိုင်ပွဲ ဝင်ပြိုင်ဖို့ ရှိသလားလို့ မေးရာမှာ ရှာရာပိုဗာက “ကျွန်မ မသိပါဘူး’’လို့ ဖြေဆိုခဲ့ပါတယ်။
Nz (ရိုးရာလေး)
