အီဂျစ်နိုင်ငံ အနောက်ပိုင်းသဲကန္တာရမှာ ပိရမစ်တစ်ခု ထွက်ပေါ်လာပြန်ပါပြီ။ ရှေးဟောင်းပိရမစ်တော့ မဟုတ်ပါဘူး။ နိုင်းမြစ်ထဲက ဆယ်ထားတဲ့ ပလတ်စတစ် ရေသန့်ဘူး ၁ သန်းကျော်ကို သုံးပြီး ဆောက်လုပ်ထားတဲ့ ပိရမစ်ကြီးပါ။ ပလတ်စတစ် ညစ်ညမ်းမှုကို ပိုသတိထားမိလာအောင် ရည်ရွယ်တဲ့ ဒီပိရမစ်ဟာ ၃ ထပ်တိုက်ထက် ပိုမြင့်ပြီး အလေးချိန် တန် ၂၀ လေးလံပါတယ်။
![](https://yoyarlay.com/wp-content/uploads/2022/11/11-11-2022yyl11.jpg)
လာမယ့် နှစ် ၁၀၀ အတွင်း ပလတ်စတစ် သန့်ရှင်းမှုလုပ်ဖို့ ရန်ပုံငွေရှာဖွေရေး ရည်ရွယ်တဲ့ ဒီအစီအစဉ်ကို 100YR CLEANUP ကို အမည်ပေးထားပြီး Zero Co စွန့်ပစ်အမှိုက် ကင်းစင်ရေးအဖွဲ့နဲ့ The Hidden Sea ဝိုင်လုပ်ငန်းတို့က ပူးပေါင်းလုပ်ဆောင်ခဲ့ကြတာပါ။ စွန့်ပစ်ပလတ်စတစ် ပိရမစ်ကို တည်ဆောက်ဖို့ အချိန် ၅ ရက် ကြာမြင့်ပါတယ်။
![](https://yoyarlay.com/wp-content/uploads/2022/11/11-11-2022yyl12.jpg)
Zero Co နဲ့ The Hidden Sea တို့ဟာ လာမယ့် ၁၂ လအတွင်း 100YR CLEANUP စီမံကိန်းအတွက် ရန်ပုံငွေ ဒေါ်လာ ၁ သန်း ရရှိဖို့ လျာထားပြီး စွန့်ပစ်အမှိုက်အနေနဲ့ ပလတ်စတစ် ရေသန့်ဘူး ၁၅ သန်း ဖယ်ရှားပေးဖို့ ရည်ရွယ်ထားပါတယ်။
Ref: Pyramid Made of 20 Tons of Plastic From Nile River Sparks Plan to Fund Massive Clean-ups
NZ (ရိုးရာလေး)