တောင်ကိုရီးယားနာမည်ကြီးမင်းသမီး ကင်ဂျီဝန်ဟာ ရှားပါးရောဂါခံစားနေရတဲ့ ကလေးတွေအတွက် ဆေးကုသစရိတ်တွေကာမိဖို့ ကန်ဒေါ်လာ ၇၁၀၀၀၀ (ဝမ်သန်း ၁၀၀) လှူဒါန်းခဲ့ပါတယ်။
“မင်းသမီး ကင်ဂျီဝန်က ဝင်ငွေနည်းတဲ့လူနာတွေအတွက် ကုန်ကျစရိတ်ထောက်ပံ့ဖို့နဲ့ ဆေးရုံဆောင်ပတ်ဝန်းကျင်တိုးတက်ကောင်းမွန်ဖို့ ဝမ် သန်း ၁၀၀ လှူဒါန်းခဲ့တယ်” လို့ Seoul National University Children’s Hospital က ကြေညာခဲ့တာပါ။
ဂျီဝန်က ဇာတ်လမ်းတွဲအသစ် Doctor X: Age of the White Mafia” ကို ရိုက်ကူးစဉ် ဆေးဘက်ဆိုင်ရာပညာရှင်တွေနဲ့ ရောဂါခံစားနေရတဲ့ ကလေးတွေ ရင်ဆိုင်ရတဲ့ ရုန်းကန်ရမှုတွေအကြောင်း ပိုမိုသိရှိခဲ့ပြီးတဲ့နောက် အခုလိုလှူဒါန်းဖို့ ဆုံးဖြတ်ဖြစ်ခဲ့တာပါ။
“Doctor X ရိုက်ကူးနေချိန်မှာ ပင်ပန်းနွမ်းနယ်စွာ အလုပ်လုပ်နေရတဲ့ ဆေးဘက်ဆိုင်ရာပညာရှင်တွေနဲ့ ရောဂါခံစားနေရတဲ့ကလေးတွေရဲ့အကြောင်းကို အနီးကပ်လေ့လာရပြီးနောက် ဒီလှူဒါန်းမှုလုပ်ဖို့ ကျွန်မ ဆုံးဖြတ်ခဲ့တာပါ။ အကောင်းဆုံးလုပ်ဆောင်နေကြတဲ့ ဆေးဘက်ဆိုင်ရာပညာရှင်တွေနဲ့ ကလေးတွေ၊ သူတို့ရဲ့မိသားစုဝင်တွေကို ကျေးဇူးတင်ကြောင်းနဲ့ ပံ့ပိုးမှုကို ဖော်ပြလိုပါတယ်” လို့ ဂျီဝန်က ပြောထားပါတယ်။
Doctor X မှာ မင်းသမီး ကင်ဂျီဝန်က မိမိထင်ရာကို ပြတ်ပြတ်သားသားလုပ်ဆောင်တတ်တဲ့ Mad dog အဖြစ် ခေါ်ကြတဲ့ ပါရမီရှင်ခွဲစိတ်ဆရာဝန် Gye Soo Jung အဖြစ် သရုပ်ဆောင်ထားပါတယ်။ ဒီဇာတ်လမ်းတွဲကို အောက်တိုဘာလမှာ ထုတ်လွှင့်ပြသမှာဖြစ်ပါတယ်။
Ref: Kim Ji Won donates 100 million KRW to children with rare diseases, says ‘Doctor X’ inspired her to give back
WL (ရိုးရာလေး)
